又搵樓

上星期日去咗旺角、油麻地一帶睇樓，一路都冇諗過呢區，因為覺得烏煙瘴氣，人又多，不過謝菲細妹以前住過呢附近，話有啲都ok，所以都去睇睇。
睇咗5個單位，有3個真係十分唔掂，好似會有個消防喉轆喺你屋企，又或者前身係一間office，仲要有個荒廢咗嘅冷氣又唔拆得，同個睇相佬做鄰居....非常趣緻....
最後兩個入選單位，一個就out buget，就算講都唔會平得好多，另一個呢，我哋今日再去睇多一次，夜晚望出街又有另一番風味，感覺幾好，最緊要係全新裝修....佢樓上都仲有一個單位出租，但唔知點解有個籠裝咗喺窗出面，古怪....但就平啲囉。
呢個星期日會約埋個業主，睇吓佢可唔可以offer到我哋心目中的價錢，如果ok，好快就搬喇!