Mr. & Mrs. Chan in Life: 2008

2008/10/28

Busy Bees

自9月開始, 我哋真係忙得交關。

讀書 - 我開始我嘅Msc, 佢開始佢嘅LLB, 星期六日都要用嚟做功課...
工作 - 我公司有好多project同時展開, 分身不暇; 佢公司有好多投訴, 晚晚做到過12點先放工, 邊個先係雷曼苦主, 大家心知...

就係咁, 成幾個星期無一齊食dinner, 莫講話約朋友仔聚一聚。

情況幾時先至好轉呢? 可能都要等到今年年底 ... 好在, 我哋一早plan咗11月的周年trip, 都總算可以鬆一鬆。

2008/07/20

更上一層樓

繁忙的7月差不多完了，暫時8月個schedule都唔係好packed。
7月雖然好忙，講真，有好多task我都覺得好難做或都係唔想做，但最後都過哂喇。
7月除咗忙, 仲有個surprise....更上一層樓，係老細對我工作能力的肯定，開心嘅係可以喺1年內有咁嘅機會。睇嚟，今年年頭的運程預測，好似都幾準喎。

2008/07/08

What's going on recently?

自去玩歐洲回來, 我的工作是突如其來的增多, 好多projects, 好多business trip....
成個6月同7月的schedule已經爆哂燈, 仲要應付日文的考試, huh....
一個星期起碼2 days conference call, 頭先啱啱開完一個, 唔可以即刻訓覺, 因為我會在夢裏繼續開會...好可怕, 唔係講笑, 真係試過。又見咁耐冇update過個blog, 就走上嚟寫吓嘢, 等一陣先訓覺。

幾時可以退休呢?

不過, 我諗我好快會適應到而家咁忙的日子嘅...

2008/05/31

Keep my blog alive!

真係好耐無理過個blog....
嘗試再次'的'起心肝，繼續keep住update.

工作
自4月起，工作開始忙，出trip的機會好多。今日下午就去Boston，6月尾好大機會去上海，就算唔係6月都7月要去。

玩
啱啱同謝菲去完Italy & Switzerland，七月會再去多一度地方玩，而家睇吓訂唔訂到機票先。

讀書
日文又就o黎完成三年級課程，如無意外9月繼續四年級。
尋日又收到PolyU通知收我讀Master，都係9月開學啦!
好似好忙，但進修嘅嘢，我覺得係有需要的。

想學多樣嘢，但睇o黎真係排唔到時間....

2008/03/02

夕陽無限好

近黃昏時份從家的窗口望出去，見到一個咸蛋黃.....

2008/01/30

工作

好奇怪，點解4點幾可以得閒寫blog...因為我的工作基本上沒有'忙'同'趕'兩個字。
啱啱寫完份關於data integrity audit的proposal俾老細，我諗佢都冇太大意見，但我又唔想開始做住。
System的issue又未有人覆...咁即係點先?唔通我真係答email答得太快?
咁就繼續prepare吓我的網上生意，但仲未可以開張大吉。
不如溫吓日文，但又冇帶書...
淨返一個鐘就放工，唯有等多陣囉。
同事，有冇嘢要幫手呀?

2008/01/27

Cake碟

又一家具新成員，我叫佢做cake碟，一套六隻，超鐘意。謝菲問點解唔買夠12隻，咁咪可以砌成一個圓形囉。我都有諗過，但因為好少機會用到咁多隻，所以唔買咁多lu。

.....

選擇困難症

有日睇電視，劇集中的其中一個主角患咗選擇困難症，我一聽到就即刻同謝菲講，可能我都有呢個症(雖然都唔知係咪有啲咁嘅症)...

早幾日去幫老豆買電話 --
「唔該想睇啲千幾蚊的電話，要nokia..」店員隨後介紹咗兩款。
心想:「兩款都差唔多，買邊部好呢...會唔會有第3款揀呢?」
「有冇推推吓嗰啲款?要nokia」店員再攞3部，但只有一部係nokia。
心想:「都話要買nokia，點解仲要揀?」
「唔該再攞返之前嗰兩部睇睇」其實老豆都話要推推吓嗰啲款。
「都係要呢部，但有冇其他顏色?」店員話只有一個色。
心想:「會唔會第二間有多啲顏色揀?」猶豫5分鐘。
「咁要呢部。」店員攞出新貨。
「咦，點解個盒嗰部係第二個色?」店員解釋佢哋得返一個色。
心想:「不如唔好買住，再睇多幾間。」其實當時已經試緊機。

「有冇ipod?」店員問要那一款。
「ipod nano, 8GB」店員問要乜野色?
「有乜色揀?」店員話銀、黑、藍、綠。其實自己上過網睇....
「你話邊個色靚?」店員話不如過另外一邊睇睇。
「如果係你，你買邊個色?」銀色...但我心唔想。
「較多人買係邊個色?」銀色、黑色。
「唔該攞出嚟睇睇。」睇咗成5分鐘。
「我上網話有紅色o架喎。」我哋間shop冇...但我知只有在網上訂先可以訂到紅色...但都要問。
「咁要黑色。」但又好想要藍色同綠色。

最後成功買咗兩樣嘢，但逗留在店舖的時間係45分鐘。